صناعة (أركيولوجيا)
![](http://chped.net/https/upload.wikimedia.org/wikipedia/commons/thumb/4/46/Disambigua_compass.svg/20px-Disambigua_compass.svg.png)
![](http://chped.net/https/upload.wikimedia.org/wikipedia/commons/thumb/8/81/Acheuleanhandaxes.jpg/220px-Acheuleanhandaxes.jpg)
الصناعة ف لأركيولوجيا ديال لعصر لحجري هيّا تقسيم نوعي ديال لأدوات د لحجر (لي مصاوبين ب لحجر ؤلا مواد بحالو) لي كانو كيصاوبوهوم أنواع بشرية، سوا ديالنا (هوموساپيان) ؤلا لي نقارضات بحال نيانديرطال.[1]
ف التقسيم ديال لملقيات لأركيولوجية، كاتّعتابر الصّناعة نيڤو لي فوق التّقافة، حيت التقافة كاتكون مرتابطة ب عادات و تقاليد، و يقدرو لأركيولوجيين يستاشفّوها من تفاصيل دقيقة ف لمصاوبة د لأدوات و التخدام لمحتامل ديالها. ب لموقابيل الصناعة كاتكون أعم، و التقنيات باش تصاوبو لأدوات د لحجر تقدر تكون كانت مخدّمة من طاراف مجموعات بشرية ماعندهاش ب ضّرورة علاقة معا بعضياتها ف الزمان ولا لمكان، ف مناطق متباعدة على بعضياتها و على مدة زمانية تقدر توصل ل عشرات ؤلا مئات لألاف د لعوام. لأدوات ديال الصناعة لأشولية متلاً تّلقاو ف بلايص من فرانسا ل الشينوا ؤ تا ف إفريقيا. داكشي علاش التحول من صناعة حجرية ل وحدة خرة كيقدر يكون عندو رتيباط معا تحوّلات جدرية لي تقدر تعكس تطور ف لقدرات الذهنية ديال بنادم، ؤلا تا تعويض نوع بشري ب واحد أخور.
عيون لكلام[بدل | بدل لكود]
- ^ كلارك، ديڤيد (1978). Analytical Archaeology (طبعة 2). نيويورك: Columbia University Press. pp. 372–373. ردمك 978-0231046305.
![]() هادي زريعة ديال مقالة خاصها تّوسع. تقدر تشارك ف لكتبة ديالها. |