ماريون ڭام
ماريون ڭام
| ||
| ||
| معلومات عامة | ||
| زيادة | 31 يوليوز 1938 الدار البيضا (لحماية لفرانساوية على لمغريب) | |
| لموت | 23 مارس 2023 (84 عام) كلامار | |
| لجنسية | فرانصا | |
| لحرفة | ممتيل د لأفلام و مومتيل د الدوبلاج | |
| لّوغات لي كيعرف | لفرانساوية | |
| لفاميلة | ||
| لولاد | Virginie Ledieu | |
      
| ||
ماريون ڭام (مزيودة ف 31 يوليوز 1938 ف كازا، توفات ف 23 مارس 2023)[1] هيّ مومتيلة فرانساوية لي كانت معروفة و كانت كاتبان بزاف ف التلفازة و السينيما ف السبعينات و التمانينات. كانت بطلة ف فيلم "لالباطروص" L'Albatros معا جان پيير موكي ف 1971، و بانت بزاف ف برنامج Au théâtre ce soir د التلفازة.[2][2][3]
ف 2009، لعبات الدور د هوڭيت ف السيرية د التلفازة Scènes de ménages ف قناة إم 6. و دور د ؤندري بووير ف السيرية Plus belle la vie ف قناة فرونص 3.
هي لم ديال لمومتيلة لكوميدية ڤيرجيني لوديو، و جدة لكوميديين ؤريليان و أرتور راينال.
حياتها[بدل | بدل لكود]
ماريون "مادلين" ڭام تولدات و كبرات ف كازا ف لمغريب. بّاها كان مقاول ف لبني، و مات ملي كان ف عمرها 9 سنين. مّها لي كانت فقيرة عطات بناتها بجوج، ماريون و ختها، ل جدّاتهوم باش تربيهوم ف كازا.
بعد لإستقلال د لمغريب، لفرانساويين لي مأنسطالين تماك و ف شمال إفريقيا ب شكل عام (لي كانو كيتسماو الرجلين لكوحل) ولّاو معرّضين ل كراهية و عتيداءَات. لم د ماريون و بزاف ف لفاميلة ديالها خواو لبلاد و مشاو ل فرانسا، و لاكين هيّ رفضات تهاجر تال واحد لمرة فاش تعرّضات ل عتيداء ف لمارشي و تجرحات، و قررات تمشي فحالها معا راجلها فيليپ لوديو و بنتها ڤيرجيني.[4] بعدما تطلقات، دخلات ل مدراسة د الدراما كور سيمون، باش تولّي مومتيلة. ف 1968 خدات جايزة د مارسيل أشار لي كاتّعطى ل أحسن الطالابا لي تخرّجو من لمدراسة.
لكاريير[بدل | بدل لكود]
وخا خدات ديك الجايزة، لخدامي اللولين ديال ماريون ڭام ف التمتيل كانو متواضعين. لعبات أدوار تانوية ف لبدية، تال 1971 فاش كانت بطلة ف فيلم لالباطروص. و بانت ف سيريات د التلفازة بحال Gil Blas de Santillane ف 1974 و نانا ف 1981.
لعبات تا أدوار ديال الدوبلاج (تمتيل ب الصوت) ف الطرجامة د سيريات و أفلام بحال السيرية لميريكانية Desperate Housewives.
عيون لكلام[بدل | بدل لكود]
- ^ "Mort de Marion Game, star de Scènes de ménages et figure populaire des années 70/80". لو پوان. 2023-03-24. مأرشيڤي من لأصل ف 2 يونيو 2023..
- ^ a b "Marion GAME". notreCinema.com (ب لفرانساوية). مأرشيڤي من لأصل ف 12 ماي 2023.
- ^ Marion Game sur Les Gens du cinéma.
- ^ Joséphine Simon-Michel, « Marion Game : Le jour où j'ai quitté Casablanca, cité de mon enfance », پاري ماتش, 28 avril-3 mai 2016, page 142.